Oder people dey speak one language
Your own come pass two hundred:
Sanu, ekaro, deeyira, tank you, doo
kakifo, nonsense, you no go fit take one!
Nigeria, you too like borrow borrow
You borrow money, cloth you dey borrow
You borrow motor, you borrow aeroplane
You borrow chop, you borrow drink
Sotey you borrow anoder man language
Begin confuse am with your confusion
Anytin you borrow you go confuse am to nonsense
Idiot debtor, wetin you go do
When de owners go come take dem tings?
0 Comments